ფილიპე კოუტინიომ, შესაძლოა, "ატლეტიკოსთან" ითამაშოს | MD

"ბარსელონას" ნახევარმცველი ფილიპე კოუტინიო, შესაძლოა, მადრიდის "ატლეტიკოსთან" მოახლოებულ მატჩში მოედანზე ვიხილოთ.

კოუტინიომ 24 ოქტომბერს გამართულ "ელ კლასიკოში" ტრავმა მიიღო, რის გამოც ბრაზილიელს რამდენიმე მატჩის გამოტოვება მოუწია. ფილიპემ, რომლის მიზანიც "როხიბლანკოსთან" თამაშისთვის სრულად გამოჯანრთელებაა, ინდივიდუალური ვარჯიშები რამდენიმე დღის წინ განაახლა.

Mundo Deportivo-ს ინფორმაციით, 28 წლის ფეხბურთელი ბოლო დღეებში თავდაუზოგავად მუშაობს იმისათვის, რომ გუნდს რაც შეიძლება მალე დაუბრუნდეს. რონალდ კუმანი უახლოეს დღეებში გადაწყვეტს, არის თუ არა ბრაზილიელი მზად გუნდთან დასაბრუნებლად და შეძლებს თუ არა იგი "ატლეტიკოსთან" თამაშს.

"ბარსელონასა" და "ატლეტიკოს" დაპირისპირება 21 ნოემბერს გაიმართება.