Sport: ნეიმარი 100 მილიონად
კატალონიური Sport-ის ახალ გამოცემაში ვკითხულობთ, რომ თუ "ბარსელონა" ნეიმარისთვის ბრძოლას არ შეწყვეტს, ბრაზილიელი ფეხბურთელის შეძენა 100 მილიონ ევროდ შეეძლება.
"პარი სენ-ჟერმენი" 28 წლის თავდამსხმელის სანაცვლოდ, რომელიც ფრანგულ კლუბში სარეკორდო ფასად გადავიდა, წინა სატრანსფერო ფანჯარაზე 100 მილიონზე ბევრად მეტს ითხოვდა. Sport-ის ცნობით, ამჯერად პსჟ-ს დათმობაზე წასვლა მოუწევს, რადგან ნეიმარი კონტრაქტის გახანგრძლივებაზე უარს ამბობს და აზრის შეცვლას არ აპირებს.
ყველაფერი "ბარსელონას" ახალ ხელმძღვანელობაზეა დამოკიდებული, რომელიც იანვარში დაინიშნება. ნეიმარის დაბრუნებისთვის აუცილებელია, კლუბმა სულ მცირე ერთი მნიშვნელოვანი ფეხბურთელი გაყიდოს.
აღსანიშნავია, რომ "კამპ ნოუზე" დაბრუნების სურვილის მიუხედავად, ნეიმარი კლუბის წინააღმდეგ მორიგ სამართლებრივ დავას იწყებს.
ამ სიახლეზე კომენტარები გათიშულია.
კომენტარები [ 11 ]