რონალდ კუმანი კიევის "დინამოსთან" მატჩის შემდეგ
"ბარსელონას" მთავარმა მწვრთნელმა რონალდ კუმანმა ჩემპიონთა ლიგის ჯგუფურ ეტაპზე კიევის "დინამოსთან" მოგების (2-1) შემდეგ კომენტარი გააკეთა.
"თამაშზე კონტროლი დავკარგეთ. განსაკუთრებით ბურთის გარეშე კარგად არ გამოვიყურებოდით.
ტერ შტეგენმა კიდევ ერთხელ აჩვენა, რომ შესანიშნავი მეკარეა. მარკი კარგადაა, მიუხედავად იმისა, რომ ის ჯერ მხოლოდ ერთი კვირაა, რაც გუნდთან ერთად ვარჯიშობს.
ზოგჯერ პრესინგს ვერ მიმართავ. ეს მთელი გუნდით უნდა გააკეთო. ამაზე უნდა ვისაუბროთ და ყველავერი გავაანალიზოთ.
ვიცით, რომ უნდა მოვუმატოთ.
ლანგლემ ბევრი მატჩი ჩაატარა და ის ცოტა დისკომფორტს გრძნობდა. დე იონგს დაცვაში თამაში შეუძლია, როდესაც გვჭირდება მცველი, რომელსაც ბურთის წინ ატანა შეუძლია.
კიევის "დინამოს" არ გავუკვირვებივართ. ვიცოდით, რომ ის ძლიერი გუნდია, მიუხედავად იმისა, რომ უკრაინელებს კორონავირუსის გამო ბევრი ფეხბურთელი აკლდათ.
დავისჯები თუ არა იმის გამო, რაც "ელ კლასიკოს" შემდეგ ვთქვი, არ მანაღვლებს. ვიცი, რაც ვთქვი, მაგრამ არ ვღელავ. უნდა მოვიცადოთ და ვნახოთ, რა მოხდება.
გრიზმანი? დიახ, მას გოლის გატანის ძალიან კარგი შანსი ჰქონდა, მაგრამ ანტუანი ის ფეხბურთელია, რომელიც ყოველთვის ძალიან ბევრს მუშაობს."
ამ სიახლეზე კომენტარები გათიშულია.
კომენტარები [ 12 ]