ლაპორტას მიზანი "ბარსელონასში" დავიდ ალაბას მოყვანაა
ჟოან ლაპორტა "ბარსელონას" საპრეზიდენტო არჩევნებზე დარეგისტრირებული ჯერ კიდევ არაა, მაგრამ მან სამომავლო გეგმების დაწყობა უკვე დაიწყო.
RAC1-ის ცნობით, "ბარსას" ყოფილ პრეზიდენტს ჯერ საბოლოოდ არ აქვს გადაწყვეტილი, მიიღებს თუ არა დეკემბერ-იანვარში გასამართ არჩევნებში მონაწილეობას, მაგრამ უკვე იცის, რას გააკეთებს მონაწილეობისა და მოგების შემთხვევაში.
ლაპორტას "ბარსელონას" გენერალურ დირექტორად მატეუ ალემანის მიწვევა სურს. ალემანი ამ თანამდებობაზე "ვალენსიაში" მუშაობდა და "ბარსა" მის გადმობირებას ერთი წლის წინაც ცდილობდა.
რაც შეეხება ტრანსფერებს - ლაპორტას მთავარ სამიზნედ, ამ ეტაპზე, "ბაიერნის" მცველის, დავიდ ალაბას გადმობირება სახელდება. ავსტრიელ უნივერსალს მიუნხენურ გუნდთან კონტრაქტი სეზონის ბოლოს ეწურება და "ბარსას" მისი ხელში უფასოდ ჩაგდების შანსი ექნება.
ამ სიახლეზე კომენტარები გათიშულია.
კომენტარები [ 7 ]