გონსალო იგუაინი: სამწუხაროდ, საუკეთესო "ბარსელონას" ვხვდებოდით
მადრიდის "რეალის" ყოფილმა და მაიამის "ინტერის" ახლანდელმა თავდამსხმელმა, გონსალო იგუაინმა, მსოფლიოს ყველაზე გამორჩეულ საფეხბურთო დაპირისპირებაზე, "ელ კლასიკოზე" ისაუბრა.
"ელ კლასიკო" სანახაობრივი დაპირისპირებაა, რომლის დროსაც სამყარო ჩერდება. მე მესი-რონალდუს ეპოქაში ვთამაშობდი. ეს საოცარი რამ იყო. სამწუხაროდ, საუკეთესო "ბარსელონას" ვუპირისპირდებოდით, მაგრამ, როდესაც ჟოზე მოურინიო მოვიდა, საბედნიეროდ, "ბლაუგრანას" ცოტათი გავუთანაბრდით", - ციტირებს იგუაინის სიტყვებს CBS Sports.
იგუაინი "სამეფო კლუბში" 2007-2013 წლებში თამაშობდა. ამ პერიოდში "ბარსელონა", მართლაც, საუკეთესო იყო. ალბათ, ყველას გვახსოვს "კლასიკოს" ისტორიული ანგარიშები: 6-2, 5-0...
"ბარსელონა" და "რეალი" ერთმანეთს რამდენიმე დღეში, 24 ოქტომბერს, შეხვდებიან.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 5 ]