რა ღირდნენ ფატის ასაკში თანამედროვეობის ვარსკვლავები?
როგორც მოგეხსენებათ, 17 წლის ანსუ ფატი Transfermarkt-მა 80 მილიონ ევროდ შეაფასა, რის შედეგადაც "ბლაუგრანელი" ყველაზე ღირებული ესპანელი ფეხბურთელი გახდა.
საინტერესოა, თუ რამდენად აფასებდნენ თანამედროვეობის ვარსკვლავებს ანსუს ან მცირედით უფროს ასაკში.
ლეო მესი - 3 მილიონი ევრო
17 წლის ასაკში არგენტინელს 3 მილიონად აფასებდნენ, ჯერ კიდევ მაშინ, როდესაც ის "ბარსელონა ბ-ში" თამაშობდა. 80 მილიონიან ნიშნულს მან 2010 წელს, 22 წლის ასაკში მიაღწია.
კრიშტიანუ რონალდუ - 18 მილიონი ევრო (19 წლის)
სამწუხაროდ, არაა ცნობილი, თუ რა ღირდა პორტუგალიელი 17 წლის ასაკში. თუმცა თავდაპირველად, როდესაც ის 19 წლის იყო, 18 მილიონად აფასებდნენ. 2010 წელს კი 25 წლის ასაკში 90 მილიონი ღირდა.
ნეიმარი - 6 მილიონი ევრო
"სანტოსში" ყოფნის პერიოდში ბრაზილიელს transfermarkt 6 მილიონად აფასებდა. 2015 წელს კი, 23 წლის ასაკში როდესაც ის "ბარსაში" ასპარეზობდა მისი ღირებულება 80 მილიონს გაუტოლდა.
კილიან მბაპე - 4 მილიონი ევრო
ჯერ კიდევ "მონაკოში" ყოფნის დროს კილიანის სატრანსფერო ღირებულება 4 მილიონი იყო. ხოლო 2017 წელს მას შემდეგ, რაც პსჟ-ში გადავიდა აღნიშნული ფასი უკვე 90 მილიონამდე იყო გაზრდილი.
მარკუს რაშფორდი - 3 მილიონი ევრო (18 წლის)
არც ახალგაზრდა ინგლისელზე არსებობს 17 წლის ასაკში ინფორმაცია, თუმცა 2019 წელს ის უკვე 80 მილიონი ღირდა.
ამ სიახლეზე კომენტარები გათიშულია.
კომენტარები [ 3 ]