"ფერენცვაროშთან" შეხვედრა "კამპ ნოუზე" უმაყურებლოდ ჩატარდება

Cat Radio-ს ინფორმაციით, ჩემპიონთა ლიგის 2020/21 სეზონის პირველ შეხვედრას "ბარსელონა" უნგრულ "ფერენცვაროშთან" უმაყურებლოდ გამართავს.

კორონავირუსის გავრცელების საშიშროების გამო, "კამპ ნოუს" ტრიბუნებზე გულშემატკივრის 30%-საც არ დაუშვებენ.

კლუბი ამჟამად ცდილობს, რომ 4 ნოემბერს, მომდევნო ტურის შეხვედრისთვის, "დინამო კიევთან" დაპირისპირების დროს ტრიბუნებზე მაყურებელთა ნაწილის დასწრებაზე უფლება მოიპოვოს.