რატომ არ გადავიდა დემბელე "მანჩესტერ იუნაიტედში?

ინგლისურ მედიაში ზაფხულის სატრანსფერო ფანჯარაზე აქტიურად ვრცელდებოდა ინფორმაცია, რომ "მანჩესტერ იუნაიტედი" უმსან დემბელეს შეძენით ინტერესდებოდა.

Catalunya Radio-ს ინფორმაციით, ფრანგმა ფეხბურთელმა "წითელ ეშმაკებთან" საქმე იმიტომ არ დაიჭირა, რომ მოლაპარაკებებს "იუვენტუსთან" აწარმოებს.

წყაროს ცნობით, მსოფლიოს ჩემპიონი "ბებერი ქალბატონის" რიგებში გადაბარგებას მომდევნო სეზონში ან 2 წლის შემდეგ აპირებს.