ლუის სუარესის ემოციური პასუხი ლეო მესის: არ დაგავიწყდეს, რა გითხარი...
ცოტა ხნის წინ "ბარსელონას" ლიდერმა, ლიონელ მესიმ, სოციალურ ქსელ Instagram-ზე მის საუკეთესო მეგობარსა და უკვე ყოფილ თანაგუნდელს, მადრიდის "ატლეტიკოს" შემტევს, ლუის სუარესს, გამოსამშვიდობებელი პოსტი მიუძღვნა, რომელსაც თავად ურუგვაელი ფეხბურთელი ახლახანს ემოციური სიტყვებით გამოეხმაურა.
"მადლობა, მეგობარო, ამ სიტყვებისთვის, მაგრამ უფრო დიდი მადლობა იმისათვის, რომ კარგი ადამიანი ხარ, იმისათვის, რაც პირველივე დღიდან ჩემთვის და ჩემი ოჯახისთვის იყავი. ყოველთვის მადლობელი ვიქნები შენი ადამიანობისთვის, ერთად გატარებული დროისთვის და საოცარი ურთიერთობისთვის, რადგან ყველამ იცის, თუ როგორი ფეხბურთელი ხარ.
არ დაგავიწყდეს, რა გითხარი: "განაგრძე სიამოვნების მიღება და აჩვენე, რომ ერთადერთი ხარ" და რომ 2, 3 ან 4 ადამიანი ვერ ჩრდილავს იმას, თუ რამდენად დიდი ხარ კლუბისთვის და მსოფლიოს ფეხბურთისთვის.
ძალიან მიყვარხარ, მეგობარო. ჩვენ, ხუთივეს, მოგვენატრები".
ამ სიახლეზე კომენტარები გათიშულია.
კომენტარები [ 7 ]