"ბარსელონას" ტოდიბოს სარფიანად გაყიდვის შანსი გაუჩნდა
ჟან-კლერ ტოდიბოს "ბარსელონაში" დიდი მომავალი არ აქვს. კატალონიიდან აბარგება თავად ფეხბურთელსაც სურს და კლუბსაც მისგან ტარნსფერებისთვის თანხის გამომუშავების ეიმედება.
დიდი ხნის განმავლობაში "ბარსელონას" იმედი ჰქონდა, რომ 20 წლის ფეხბურთელს 25 მილიონ ევროდ გაყიდდა, მაგრამ ბოლოს ყველა მიხვდა, რომ ეს არარეალურია. მოულოდნელად კი "ბლაუგრანას" ინგლისიდან დაუკავშირდნენ.
როდესაც შენ ფეხბურთელის გაყიდვა გინდა და მისით ინგლისიდან ინტერესდებიან, ეს დიდად სასიხარულო ამბავია, რადგან ცნობილია, რომ პრემიერ ლიგის გუნდები ტრანსფერებში ხელგაშლილები არიან. ამას ნელსონ სემედუს "ვულვერჰემპტონში" სავარაუდოდ 40 მილიონად გადასვლაც მოწმობს.
კატალონიური Sport-ის ცნობით, ტოდიბოს დამატების სურვილი "ფულემმა" გამოთქვა, რომელსაც აქამდე "ბარსას" ყოფილ ფეხბურთელს, "სასუოლოში" მოთამაშე მარლონ სანტოსს უაკვშირებდნენ. წყაროს მტკიცებით, ინგლისელები მზად არიან "ბარსას" 18 მილიონი ახლა გადაუხადონ, 5 მილიონი კი ბონუსების სახით.
გავრცელებული ინფორმაციით, "ბლაუგრანა" "ფულემის" შეთავაზებით მოხიბლულია და ტოდიბოს გადაწყვეტილებას ელოდება.
თუ კატალონიელებმა სემედუ და ტოდიბო ინგლისში ხსენებულ თანხებად გაყიდეს, მაშინ მათ მარჯვენა მცველის (სავარაუდოდ სერჟინიო დესტი) და ცენტრალური მცველის (ერიკ გარსია) ფული ნამდვილად ექნებათ.
ამ სიახლეზე კომენტარები გათიშულია.
კომენტარები [ 5 ]