კუმანს სურს რიკი პუჩი "აიაქსში" გაანათხოვრონ
რონალდ კუმანმა თავის მოსაზრება ნათლად დააფიქსირა, მას მიაჩნია, რომ რიკი პუჩის მუდმივი სათამაშო დრო სჭირდება, რასაც ამ ფორმაციის "ბარსელონაში" ვერ მიიღებს. მისი განვითარებისათვის განათხოვრება სჯობს. ამ ამბავს თავად რიკი ვერ შეხვდა პოზიტიურად, ცოტა გულდაწყვეტილია და არც ადგილსამყოფელის გამოცვლა სურს, მაგრამ კლუბის ხელმძღვანელობა მაინც შეხვდება რიკის მამას, რომელიც ამავე დროს მისი აგენტია. კლუბის წარმომადგენლები შეეცდებიან დაარწმუნონ, რომ რიკისთვის ასე აჯობებს.
ჯერჯერობით ვარიანტები არ განხილულა, თუმცა როგორც MD გვამცნობს, რონალდ კუმანის სურვილია, რომ რიკი "აიაქსში" გაანათხოვრონ. ტენ ჰაგის ხელში ნამდვილად ექნება განვითარების შესაძლებლობა, "აიაქსმა" წინა სეზონში ფრენკი დე იონგი და მატიას დე ლიხტი დაკარგა, წელს დონი ვან დე ბეკი და ჰაკიმ ზიეში, "აიაქსს" ახალი სისხლი სჭირდება, სწორედ ამით უნდა რონალდ კუმანს, რომ ისარგებლოს.
გარდა ამისა, "ბარსას" და "აიაქსის" ხელმძღვანელები, სერჟინიო დესტის თაობაზეც შეხვდებიან, სავარაუდოდ რიკი პუჩის საკითხსაც იქ განიხილავენ.
ამ სიახლეზე კომენტარები გათიშულია.
კომენტარები [ 5 ]