ბარსელონა-ელჩე: მატჩისწინა მიმოხილვა
დღეს, "კამპ ნოუ" ჟოან გამპერის სახელობის თასის რიგით 55-ე გათამაშებას უმასპინძლებს, "ბარსელონას" მეტოქე "ელჩე" იქნება.
ეს "ბარსასთვის" 2020/21 წლების სეზონის მოსამზადებელი ეტაპის მესამე და ბოლო ამხანაგური მატჩია. რონალდ კუმანს გუნდის საკუთარ თარგზე მოსაჭრელად დრო არცთუ ისე ბევრი აქვს - "ბარსელონა" ლა ლიგაში 27 სექტემბერს ჩაერთვება.
მეტოქე
"ბარსელონას" დღევანდელი მეტოქე ლა ლიგაში ბოლოს 2014/15 წლების სეზონში ვიხილეთ. მაშინ, "ელჩემ" მე-13 ადგილი დაიკავა, თუმცა ფინანსური პრობლემების გამო, სეგუნდა დივიზიონში დააქვეითეს. იმ სეზონში "ბარსა" "ელჩეს" 4-ჯერ შეხვდა, ორჯერ ლა ლიგაში, ორჯერ კი - კოპა დელ რეიზე. კატალონიელებმა ყველა შეხვედრა დამაჯერებლად მოიგეს, ბურთების შეფარდება - 18-0.
"ელჩე" გასულ სეზონში სეგუნდა დივიზიონში ასპარეზობდა, თუმცა ფლეი-ოფის მოგებით უმაღლეს ლიგაში დაწინაურდა და პრიმერა დივიზიონში 21-ე სეზონს გაატარებს.
მატჩისწინა კომენტარი
რონალდ კუმანმა მატჩამდე განაცხადა, რომ განაცხადში ვიხილავთ გუნდის ახალწვეულს, მირალემ პიანიჩს, თუმცა იგი 90 წუთის სათამაშოდ ჯერ მზად არ არის.
საინტერესო ფაქტები
- "ელჩე" გამპერის თასზე პირველად ისპარეზებს. აქამდე, მხოლოდ ორმა ესპანურმა კლუბმა შეძლო ამ ტიტულის დაუფლება - "ტენერიფე" (1993) და "ვალენსია" (1994).
- "ბარსას" გამპერის თასი 42-ჯერ აქვს მოგებული. ერთადერთი კლუბი, რომელმაც ეს 2-ჯერ შეძლო, "კიოლნია" (1978 და 1981).
- გამპერის თასის ბოლო 7 გათამაშება "ბარსელონას" გამარჯვებით დასრულდა. ბოლოს, კატალონიელთა დამარცხება "სამპდორიამ" შეძლო (2012).
- გამპერის თასის ისტორიაში, საუკეთესო ბომბარდირი ლიონელ მესია. მან ან ამხანაგური ტურნირის ფარგლებში მეტოქის კარის აღება 9-ჯერ შეძლო.
- აგრეთვე, ლიონელ მესია ერთადერთი ფეხბურთელია, რომელმაც გამპერის თასის ზედიზედ 6 გათამაშებაში აქვს გოლი გატანილი - 2013-2018.
- გამპერის თასის ისტორიაში, ეს იქნება პირველი შემთხვევა, როდესაც მატჩი უმაყორებლოდ გაიმართება.
შეხვედრა, თბილისის დროით, 21:00 საათზე დაიწყება.
ამ სიახლეზე კომენტარები გათიშულია.
კომენტარები [ 1 ]