ოფიციალურად: ტიაგო ალკანტარა "ბარსელონაში" არ დაბრუნდება
რამდენიმე წუთის წინ ოფიციალურად დადასტურდა, რომ "ბარსელონას" სკოლის აღზრდილი ტიაგო ალკანტარა "ბლაუგრანაში" არ დაბრუნდება.
29 წლის ესპანელი ნახევარმცველი, რომელიც თავის პოზიციაზე მსოფლიოში ერთ-ერთი საუკეთესოა, მიუნხენის "ბაიერნიდან" "ლივერპულში" გადავიდა. ინგლისურმა კლუბმა ტრანსფერი ოფიციალურად დაადასტურა.
არაოფიციალური ინფორმაციით, "ლივერპული" "ბაიერნს" 30 მილიონ ევროს გადაუხდის (ბონუსების ჩათვლით), ფეხბურთელთან კი 4-წლიან კონტრაქტს გააფორმებს.
ტიაგო ალკანტარა "ბარსელონადან" "ბაიერნში" 2013 წელს გადავიდა. წელს, მის დაბრუნებაზე რამდენჯერმე დაიწერა. გავრცელებული ინფორმაციით, "ბარსას" დირექტორთა საბჭოს ნაწილს ის რონალდ კუმანის რჩეულ ვეინალდუმს ერჩივნა. საბოლოოდ, ტიაგომ "ლივერპულს" მიაშურა და უკანასკნელი ცნობებით, "ბლაუგრანა" ვერც ვეინალდუმს გაიფორმებს.
ამ სიახლეზე კომენტარები გათიშულია.
კომენტარები [ 7 ]