ლიონელ მესიმ Massi-ს სამართლებრივი დავა მოუგო

ლიონელ მესიმ ხანგრძლივი სამართლებრივი დავა მოიგო: არგენტინელის ტანსაცმლის წარმოების ბრენდი, საავტორო უფლებების დაცვის გამო, ველოსიპედების ეკიპირების კომპანია Massi-ს 9 წლის განმავლობაში ედავებოდა. ინფორმაცია Sky Sports-ზე დაყრდნობით პორტალ Tribuna-ზე გავრცელდა. 

დავა სწორედ Massi-ს მფლობელებმა დაიწყეს - მათი აზრით, "ბარსელონას" ფეხბურთელის მიერ 2011 წელს დარეგისტრირებული ბრენდი, რომელიც მესის სახელს ატარებს, მათი ბრენდის სახელთან ზედმეტად მიახლოებული იყო და პოტენციურ კლიენტებს შორის გაურკვევლობას გამოიწვევდა.

სასამართლომ Massi-ს საჩივარი არ დააკმაყოფილა და მიზეზად ის დაასახელა, რომ ლეო მესის რეპუტაციის გათვალისწინებით, კლიენტებს ორი ბრენდის გარჩევის პრობლემა არ ექნებათ.