"ბარსამ" რონალდ კუმანს მოთხოვნა ტერ შტეგენის გამო არ დაუკმაყოფილა | Sport
კატალონიის "ბარსელონა" დარწმუნებულია, რომ მარკ-ანდრე ტერ შტეგენი კლუბის ამჟამინდელ, თუ სამომავლო გეგმებში უმნიშვნელოვანესი ფიგურა იქნება. მიუხედავად იმისა, რომ მეკარის კონტრაქტის გახანგრძლივების საქმე ჯერ სრულად მოგვარებული არ არის, კლუბი მაინც მშვიდადაა.
მას შემდეგ, რაც "ლურჯ-ბროწეულისფერთა" სადავეები რონალდ კუმანმა ჩაიბარა, მოითხოვა, რომ საკუთარი ასისტენტებით მოსვლის უფლება ჰქონოდა, რაზეც "ბლაუგრანასაგან" თანხმობა მიიღო. თუმცა, Sport-ის ინფორმაციით, "ბარსამ" ნიდერლანდელ სპეციალისტს მეკარეთა მწვრთნელი არ მოაყვანინა.
აღნიშნულის მიზეზი კი გერმანელი ვარსკვლავისა და მისი ძველი (ამჟამინდელიც) მწვრთნელის, ჟოზე რამონ დე ლა ფუენტეს შორის არსებული შესანიშნავი ურთიერთობაა.
წყარო დასძენს, რომ მარკის ხელშეკრულების განახლების საქმე მთლად მარტივად არ არის. ახალგაზრდა ფეხბურთელი ამბიციურია და მას კლუბისაგან ხარისხიანი პროექტი სურს. კლუბი იმედოვნებს, რომ შტეგენთან მოლაპარაკებებს მომდევნო კვირაში განაახლებს.
ამ სიახლეზე კომენტარები გათიშულია.
კომენტარები [ 3 ]