მესის წასვლის შემთხვევაში, "ბარსა" მბაპეზე დაფიქრდება | The Times
The Times-ზე დაყრდნობით Mundo Deportivo იტყობინება, რომ კილიან მბაპეს მომავალ ზაფხულს "პარი სენ-ჟერმენის" დატოვება და ახალი გამოწვევების მიღება სურს.
წყაროს ინფორმაციით, მადრიდის "რეალის" გარდა, ფრანგის მიმართ ინტერესს პრემიერ ლიგიდან გამოხატავენ. აგრეთვე, აღსანიშნავია, რომ მომავალ სეზონში ლეო მესის წასვლის შემთხვევაში, "ბარსელონას" შეუძლია, 21 წლის შემტევის ტრანსფერზე იფიქროს.
როგორც იცით, არგენტინელ ლეგენდას კატალონიელებთან კონტრაქტი 2021 წელს ეწურება და ჯერჯერობით უცნობია, ხელშეკრულება გახანგრძლივდება თუ არა. მბაპე კი მის იდეალურ შემცვლელად მოიაზრება.
კილიანს პსჟ-სთან კონტრაქტი 2022 წლამდე აკავშირებს და მის განახლებაზე უარს აცხადებს. შესაბამისად, შესაძლოა, ფრანგულმა გუნდმა ტალანტის გაყიდვა გადაწყვიტოს, რათა შემდეგ წელს მისი თავისუფალი აგენტის სტატუსით წასვლა თავიდან აირიდოს.
შეგახსენებთ, მბაპეს "ბლაუგრანას" ჯერ კიდევ მაშინ უკავშირებდნენ, როცა კლუბი ნეიმარმა დატოვა, თუმცა "ლურჯ-ბროწეულისფერებმა" კილიანს, უსმან დემბელეს შეძენა არჩიეს.
ამ სიახლეზე კომენტარები გათიშულია.
კომენტარები [ 14 ]