ანსუ ფატი პირველი გუნდის ნომერს მიიღებს
დღეს გავრცელებული ინფორმაციის თანახმად, "ბარსელონას" მთავარი მწვრთნელი, რონალდ კუმანი, ანსუ ფატიზე დიდ იმედს ამყარებს და აპირებს, 17 წლის ფეხბურთელი ძირითადი გუნდის სასტარტო შემადგენლობის რეგულარულ წევრად აქციოს.
ESPN-ის ცნობით, ანსუ ახალი სეზონიდან პირველი გუნდის ნომრით ითამაშებს, ანუ 25 ან მასზე დაბალი რიცხვით. სხვა ნომრები, ოფიციალურად, ახალგაზრდული გუნდის მოთაშეებისთვისაა განკუთვნილი.
ფატის აქამდე 31-ნომრიანი მაისური ეცვა.
ამ მომენტისთვის, თავისუფალი შემდეგი ნომრებია:
4, 8 - დიდი ალბათობით, ამ ნომრებს ნახევარმცველები აირჩევენ.
14 - ლოგიკურად, ეს ნომერი ფილიპე კოუტინიოს უნდა შეხვდეს.
17 - ვაკანტურია.
25 - ვაკანტურია, თუმცა თუ "ბარსა" მესამე მეკარეს დაიმატებს (ტერ შტეგენი ტრავმირებულია), ნომერს ის აიღებს.
დიდი ალბათობით, ფატის მოედანზე 17 ნომრით ვიხილავთ. ეს რიცხვი მისთვის სიმბოლურია. ახალგაზრდა თავდამსხმელს ესპანეთის ნაკრებში დებიუტი სწორედ ამ ნომრით ჰქონდა.
ამ სიახლეზე კომენტარები გათიშულია.
კომენტარები [ 12 ]