რივალდო: ლუის სუარესის გაშვება სარისკოა
ლეგენდარული ბრაზილიელი ფეხბურთელი, რივალდო, "ბარსელონას" 33 წლის თავდამსხმელის, ლუის სუარესის, გუნდიდან შესაძლო წასვლას აფასებს. მისი თქმით, ურუგვაელის გაშვება "ბარსასთვის" რისკის შემცველია.
"ბარსელონა" გარდამავალ პერიოდშია, ახალი მწვრთნელითა და შემადგენლობის ცვლილებით. ასე რომ, რონალდ კუმანს საქმიანობის საკუთარი სტილის დანერგვისთვის დრო დასჭრიდება.
გასული სეზონი მარტივი არ ყოფილა და უკეთესი იქნება თუ გუნდი ამას დაივიწყებს და ახალ მიზნებზე კონცენტრირდება. "ბარსელონას" დიდებული ფეხბურთელები ჰყავს, გასახდელში სიტუაციაც გამოსწორდება.
ლუის სუარესის გაშვება სარისკოა. მომდევნო კვირებში, "ბარსელონას" ახალი თავდამსხმელის შეძენა დასჭირდება.
ჭორების მიხედვით, ისინი მემფის დეპაის დამატებას ცდილობენ. ის შესანიშნავი მოთამაშეა, დიდი გამოცდილებით. თუმცა ახლა "ბარსას" სრულყოფილი შემტევი სჭირდება, დეპაი კი ასეთი არ არის.
თუნდაც კუმანს 9-იანის გარეშე თამაშის ცდა სურდეს, კლუბს აუცილებლად დასჭირდება უმაღლესი დონის თავდამსხმელის შეძენა", - რივალდოს სიტყვებს Betfair ციტირებს.
მედიაში არსებული ცნობების თანახმად, კატალონიური კლუბი ცენტრალური თავდამსხმელის პოზიციის გასაძლიერებლად, ამჟამად, ლაუტარო მარტინესისა და მემფის დეპაის ტრანსფერებზე მუშაობს.
ამ სიახლეზე კომენტარები გათიშულია.
კომენტარები [ 10 ]