კოუტინიოს აგენტი: კუმანი ჩემს კლიენტზე დიდ იმედებს ამყარებს

ფილიპე კოუტინიოს აგენტი კია ჟორაბჩიანი ადასტურებს, რომ მისი კლიენტი მომდევნო სეზონს კატალონიის "ბარსელონაში" გაატარებს.

"კოუტინიო "ბარსელონაში" რჩება. ჩემპიონთა ლიგის მოგებიდან მე-2 დღეს მას კუმანმა დაურეკა და უთხრა, რომ მის გეგმებში დიდი ადგილი უკავია და სურს, რომ გუნდს დაუბრუნდეს." - ციტირებს ჟორაბჩიანის სიტყვებს Talksport.

კოუტინიო "ბარსელონაში" 2018 წლის იანვარში გადავიდა, წარუმატებელი წელიწადნახევრის შემდეგ ის "ბაიერნში" გაანათხოვრეს, საიდანაც ბრაზილიელი ცოტა ხნის წინ დაბრუნდა.