ტიაგო, შესაძლოა, "ბარსელონაში" დაბრუნდეს
ბოლო დროს "ლივერპულის" ნახევარმცველის, ჯორჯინიო ვეინალდუმის "ბარსელონაში" გადმოსვლაზე ბევრი იწერება, თუმცა კატალონიელებმა, შესაძლოა, ყველასთვის მოულოდნელად მიუნხენის "ბაიერნის" შუახაზელი ტიაგო ალკანტარა დაიმატონ.
TyC Sports-ის მიერ გავრცელებული ინფორმაციით, "ბლაუგრანამ", შესაძლოა, ვეინალდუმზე უარი თქვას და ფსონი ესპანელ ფეხბურთელზე გააკეთოს, რომელიც "ბარსელონაში" დაბრუნებაზე თანახმაა.
იმავე წყაროს ცნობით, კლუბის დირექტორთა უმრავლესობას ტიაგო მოსწონს და 29 წლის მოთამაშის გუნდში დაბრუნება სურს. ალკანტარასა და ვეინალდუმს დაახლოებით ერთი და იგივე ფასი ექნებათ, რაც იმას ნიშნავს, რომ კატალონიელებმა არჩევანის გაკეთებისას თანხას ყურადღება არ უნდა მიაქციონ.
ტიაგო "ბარსელონას" სკოლის აღზრდილია. მან კატალონიაში 8 წელი გაატარა. ესპანელის აქტივში "ბლაუგრანას" პირველ გუნდში 100 მატჩი, 11 გოლი და 20 შედეგიანი პასია.
ამ სიახლეზე კომენტარები გათიშულია.
კომენტარები [ 15 ]