"სიტი" დარწმუნებულია, რომ მესი სხვა შეთავაზებებს უარყოფს
როგორც მოგეხსენებათ, "ბარსელონას" კაპიტანს, ლიონელ მესის პრესაში აქტიურად უკავშირებენ "მანჩესტერ სიტის".
ESPN-ის ინფორმაციით, "ქალაქელები" დარწმუნებულები არიან, რომ თუ კატალონიური კლუბი პოზიციას შეარბილებს და არგენტინელი ფეხბურთელის ტრანსფერზე მოლაპარაკებებს დაიწყებს, მაშინ ლეო სხვა კლუბების შეთავაზებას უარყოფს.
მესის შეძენით ასევე "პარი სენ-ჟერმენია" დაინტერესებული. ყოფილმა თანაკლუბელმა ნეიმარმა, ხუთშაბათს მასთან ტელეფონზე საუბრისას, საფრანგეთში შესაძლო გადაბარგება განიხილა.
Onda Cero-ს ინფორმაციით, "ბარსელონას" პრეზიდენტმა, ჟოზეპ მარია ბართომეუმ მესის ადვოკატებს შეატყობინა, რომ კლუბი მათ კლიენტს 700 მილიონ ევროზე ნაკლებად არ გაყიდის. სწორედ ასეთი თანხაა მითითებული 33 წლის მოთამაშის გამოსასყიდ პუნქტში.
მიუხედავად ამისა, "სიტიში" იმედოვნებენ, რომ "ლურჯ-ბროწეულისფერები" დათმობებზე წავლენ და მესის წასვლის სურვილის გათვალისწინებით, გონივრული თანხის სანაცვლოდ, მის გაყიდვას დათანხმდებიან.
ამ სიახლეზე კომენტარები გათიშულია.
კომენტარები [ 2 ]