რამონ პლანესი: გვაქვს გეგმა, რომლითაც გუნდს ავაშენებთ
"ბარსელონას" სპორტულმა დირექტორმა, რამონ პლანესმა კლუბში არსებულ სიტუაციაზე ისაუბრა.
"ყველას, ვინც ცოტათი მაინც ერკვევა ფეხბურთში, სურს, რომ ლეოს თამაშით სიამოვნება მიიღოს. მისი ხილვა უდიდესი ნეტარებაა.
გვინდა კვლავ გავიმარჯვოთ. რთული დრო დაგვიდგა, მაგრამ ჩვენ გვაქვს მოქმედების გეგმა, რომელიც გვაძლევს საშუალებას ავაშენოთ გუნდი იმ ფეხბურთელებით, რომლებსაც შეუძლიათ მოგვცენ ის, რაც ჩვენ გვსურს. მწვრთნელი ბევრ მათგანს ესაუბრა და ეს კლუბის შიდა საქმეა.
რა თქმა უნდა, ვაპირებთ უკეთესები გავხდეთ, ვიდრე გასულ სეზონში ვიყავით. ეს ხელმძღვანელობის სამუშაოა, ჩვენი სამუშაო. "ბარსას" წინამორბედი ხელმძღვანელებიც ასევე მოექცნენ კრიტიკის ქვეშ, მაგრამ დროთა განმავლობაში მათი სამუშაო ღირსეულად დაფასდა.
ეს დაუფასებელი სამუშაოა, რადგანაც შედეგები მალევე ვერ მოვა, მაგრამ მე დარწმუნებული ვარ, რომ ყველა მოთამაშე, რომლებიც კლუბში მოდიან, მომავალში გუნდისთვის ბევრს გააკეთებენ." - ციტირებს პლანესის სიტყვებს Marca.
ამ სიახლეზე კომენტარები გათიშულია.
კომენტარები [ 8 ]