"ბარსელონას" "ლივერპულისთვის" 5 მილიონის გადახდა არ მოუწევს

RAC1-ის მტკიცებით, ბოლო დროს გავრცელებული ცნობებით, რომლებიც "ბარსელონას" მიერ "ლივერულისთვის" 5 მილიონი ევროს გადახდის ვალდებულებას ეხება, სიმართლეს არ შეესაბამება.

როდესაც "ბარსელონამ" ფილიპე კოუტინიო "ლივერპულიდან" გადმოიბირა, გარიგებაში ჩაიდო პუნქტი, რომლის თანახმადაც, "ბარსელონა" "ლივერპულს" ბონუსებს გადაუხდიდა. ბონუსები 8 ნაწილისგან შედგებოდა - ბრაზილიელის მიერ კატალონიურ კლუბში ჩატარებულ ყოველ 15 შეხვედრაზე ესპანელები ინგლისელებს 5 მილიონ ევროს გადაუხდიდნენ (მაქსიმუმ 30 მილიონი), ხოლო მომდევნო 2 წლის განმავლობაში "ბარსას" ჩემპიონთა ლიგის 1/4-ფინალში ყოველ გასვლაზე დამატებით 5 მილიონს.

კოუტინიომ "ბარსელონაში" 76 თამაში ჩაატარა, 1/4-ფინალში კი "ბლაუგრანა" ორივე შემთხვევაში გავიდა. ეს ნიშნავს, რომ ბონუსის 8 ნაწილიდან 7 უკვე გადახდილია და დარჩენილია ერთი ხუთმილიონიანი ნაწილი, რომელიც იმ შემთხვევაში ამოქმედდება, თუ კოუტინიო "ბარსელონაში" კიდევ 14 თამაშს ჩაატარებს. რაც შეეხება ჩემპიონთა ლიგის მოგებას - liverpoolecho ცნობით აქედან "ლივერპული" ვერაფერს მიიღებს.