"ბარსელონა" უსმან დემბელეს ენდობა
"ბარსელონას" გუნდის ფრანგი შემტევის, უსმან დემბელეს ძველებურად ათამაშების იმედი ისევ აქვს.
Sport-ის ინფორმაციით, კატალონიელები დემბელეს შესაძლებლობებში ჯერ კიდევ დარწმუნებულები არიან, ამიტომაც კლუბის პრეზიდენტმა, ჟოზეპ მარია ბართომეუმ, 23 წლის ფეხბურთელი ხელშეუხებელ მოთამაშეებს შორის დაასახელა.
იმავე წყაროს ცნობით, კატალონიური კლუბი მიიჩნევს, რომ დემბელეს "ბლაუგრანაში" გატარებულ პირველ 3 წელიწადში სტრესმა, ზეწოლამ და ტრავმებმა პოტენციალის გამოვლენაში ხელი შეუშალა, ამიტომ "ბარსა" უსმანს არ დათმობს. "ლურჯ-ბროწეულისფერებს", ასევე, ღრმად სწამთ, რომ ფრანგ მოთამაშეს ჯერ კიდევ შეუძლია, ნეიმარი შეცვალოს, თუ ის უფრო ხშირად ითამაშებს, დაზიანებებს გადაურჩება და კონცენტრაციას შეინარჩუნებს.
საბოლოო მიზეზი, რომლის გამოც "ბარსამ" დემბელეს ტრანსფერი დაბლოკა, ისაა, რომ კატალონიელები უსმანის ახლა გაყიდვით მასში ჩადებული ფულის მხოლოდ ნახევარს ამოიღებდნენ, რაც, რა თქმა უნდა, კლუბისთვის მიუღებელია.
"ბარსელონამ" უსმან დემბელეში, ბონუსების ჩათვლით, 138 მილიონი ევრო დახარჯა.
ამ სიახლეზე კომენტარები გათიშულია.
კომენტარები [ 18 ]