ფილიპე კოუტინიო: ჩემი მომავალი? მხოლოდ ფინალზე ვფიქრობ
"ბარსელონას" საკუთრებაში მყოფი ბრაზილიელი ვარსკვლავი ფილიპე კოუტინიო, რომელიც, ამჟამად, მიუნხენის "ბაიერნში" იჯარით იმყოფება, მის მომავალზე კომენტარის გაკეთებისგან თავს იკავებს.
კოუტინიოს გუნდს წინ მნიშვნელოვანი თამაში ელის. "რეკორდმაისტერი", 23 აგვისტოს, ჩემპიონთა ლიგის ფინალში "პარი სენ-ჟერმენს" დაუპირისპირდება.
"ფოკუსირებული მთლიანად ჩემპიონთა ლიგაზე ვარ. ეს ჩვენთვის უნიკალური შესაძლებლობაა. ფინალში გასვლით ძალაინ ბედნიერი ვარ.
ჩემი მომავალი? ამაზე არ მიფიქრია, რადგან მხოლოდ ფინალზე ვფიქრობ", - ციტირებს კოუტინიოს სიტყვებს Sport.
კოუტინიოზე, ჯეჯრობით, მხოლოდ ის ვიცით, რომ 28 წლის ფეხბურთელი, ჩემპიონთა ლიგის ფინალის შემდეგ, "ბლაუგრანაში" დაბრუნდება. აქამდე ვრცელდებოდა ინფორმაცია, რომ კატალონიელები ფილიპეს გაყიდვას აპირებდნენ, თუმცა, ბოლო ცნობებით, ბრაზილიელმა, შესაძლოა, "ბარსელონაში" მეორე შანსი მიიღოს.
ამ სიახლეზე კომენტარები გათიშულია.
კომენტარები [ 8 ]