"ბარსელონას" დირექტორი: კუმანს, პირველ რიგში, მესისთან გასაუბრება სურს
"ბარსელონას" დირექტორთა საბჭოს წევრი ჩავი ვილაჟოანა აცხადებს, რომ პირველი, რისი გაკეთებაც რონალდ კუმანს კატალონიური გუნდის მთავარ მწვრთნელად დანიშვნის შემდეგ უნდა, "ბლაუგრანას" ლიდერთან, ლიონელ მესისთან საუბარია.
"პირველი, რისი გაკეთებაც კუმანს სურს, მესისთან გასაუბრებაა, რადგან რონალდი მიიჩნევს, რომ არგენტინელი ახალ პროექტში წამყვანი ფიგურა იქნება.
მშვიდად ვართ. ლეოს წასვლას არ განვიხილავთ. მესი "ბარსაში" მთელი ცხოვრებაა იმყოფება და მას არაერთხელ უთქვამს, რომ კარიერის დასრულებას აქ ისურვებდა.
ვმუშაობთ ცვლილებებზე, მესის გაბედნიერებასა და გამარჯვებული მენტალიტეტის გუნდის შექმნაზე. გვინდა, რომ ახალი პროექტი შევქმნათ, რომლის სათავეშიც ლეო იქნება.
არგენტინელის წასვლაზე საერთოდ არ ვფიქრობთ. მესის თამაში 40 წლამდე შეუძლია", - ციტირებს ვილაჟოანას სიტყვებს TyC Sports.
გავრცელებული ინფორმაციით, ლეო მესი და რონალდ კუმანი ერთმანეთს მიმდინარე კვირის ბოლოს შეხვდებიან.
ამ სიახლეზე კომენტარები გათიშულია.
კომენტარები [ 6 ]