ვიქტორ ფონტი: კუმანმა ყველაფერი რომც მოიგოს, მას გუნდში მაინც არ დავტოვებ
"ბარსელონას" პრეზიდენტობის ერთ-ერთი კანდიდატი ვიქტორ ფონტი აცხადებს, რომ ის რონალდ კუმანს მთავარ მწვრთნელად არცერთ შემთხვევაში არ დატოვებს, იმ შემთხვევაშიც კი, თუ ნიდერლანდელი გუნდს ყველაფერს მოაგებინებს.
"კუმანმა ყველაფერი რომც მოიგოს, ჩემი გაპრეზიდენტების შემთხვევაში, ის "ბარსელონას" მწვრთნელად არ დარჩება. მხოლოდ ჩავისა და გვარდიოლას შეუძლიათ ჩვენს პროექტს გაუძღვნენ, ჩვენ კი ჩავის ვირჩევთ.
მესის წასვლის რისკი არსებობს.
"ბაიერნთან" თამაშის შემდეგ ბართომეუ უნდა გადამდგარიყო. კლუბის ინტერესები ყველაზე მაღლა დგას. ეს ყველაფერი ბოლო წლებში არასწორი მართვის შედეგია." - განაცხადა ვიქტორ ფონტმა COPE-ს ეთერში.
თითქმის გადაწყვეტილია, რომ მომდევნო სეზონში "ბარსელონას" რონალდ კუმანი უთავკაცებს. გავრცელებული ინფორმაციით ნიდერლანდელი "ბლაუგრანასთან" 2 წლიან კონტრაქტს გააფორმებს.
ამ სიახლეზე კომენტარები გათიშულია.
კომენტარები [ 19 ]