MD: ლეო მესის "ბარსელონას" დატოვება არ სურს
რამდენიმე წუთის გავრცელდა ცნობები, რომ "ბარსელონას" ლიდერს, ლიონელ მესის, კლუბიდან წასვლა ახლა სურს, თუმცა, Mundo Deportivo-ს ცნობით, კატალონიური კლუბი ამ ინფორმაციას უარყოფს.
ბრაზილიურმა Esporte Interativo-მ გაავრცელა ინფორმაცია, რომ მესიმ "ბლაუგრანას" წარმომადგენლებს კლუბის დატოვების შესახებ უკვე აცნობა, თუმცა კატალონიელი ჟურნალისტები იტყობინებიან, რომ ეს ყველაფერი სიცრუეა.
Mundo Deportivo-ს მტკიცებით, "ბარსას" მესისგან გუნდიდან წასვლის სურვილის შესახებ არანაირი ინფორმაცია არ მიუღია. კატალონიელთა ერთ-ერთი წარმომადგენლის განცხადებით, არც პრეზიდენტს, ჟოზეპ მარია ბართომეუს, არც აღმასრულებელ დირექტორს, ოსკარ გრაუს და არც სპორტულ დირექტორს, ერიკ აბიდალს, არგენტინელი ფეხბურთელისგან მსგავსი არაფერი მოუსმენიათ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]