დეკუ: თუ ტრინკაუ სათამაშოს დროს მიიღებს, წარმატებას აუცილებლად მიაღწევს
"ბარსელონას" ყოფილი ფეხბურთელი, დეკუ, თანამემამულე ფრანსიშკუ ტრინკაუს აფასებს და თვლის, რომ 20 წლის ფეხბურთელს კატალონიურმა კლუბმა სათანადო დრო უნდა მისცეს.
"ტრინკაუ მაღალი დონის ფეხბურთელია, რომელსაც წინ დიდი მომავალი ელის. იგი კლასიკური ცაცია გარემარბია, რომელიც ფლანგიდან საჯარიმოში შედის, ცენტრიდან კი შესანიშნავად ურტყამს, ასევე, ერთი-ერთზე მომენტებს იყენებს. პირადად მე, ის ძალიან მომწონს.
"ბარსაში", როგორც წესი, ფიქრობენ, რომ ახალწვეული მოსვლის დღიდანვე ათამაშდება. მაგრამ ასეთ ახალგაზრდულ ასაკში ეს ყოველთვის ასე მარტივად არ ხდება. თუ მას სათამაშო დრო მიეცემა, წარმატებას აუცილებლად მიაღწევს".
პორტუგალიელმა საქებარი სიტყვები არც ანსუ ფატისა და რიკი პუჩისთვის დაიშურა.
"ბარსას" აკადემია სწორედ ასეთ ფეხბურთელებს ქმნის. ამ ორ ფეხბურთელს სწორი მენტალიტეტი აქვს, ისინი განვითარებისა და სწავლისთვის მზად არიან. თუ გამარჯვებების წყურვილსა და თავმდაბლობას შეინარჩუნებენ, შეუძლიათ, "ბარსაში" ისტორია დაწერონ", - დეკუს სიტყვებს "ბარსელონას" ოფიციალური ვებგვერდი ციტირებს.
დეკუ ლურჯ-ბროწეულისფერი მაისურით 2004-2008 წლებში ასპარეზობდა. ამ პერიოდის განმავლობაში მან ჩემპიონთა ლიგა, ორი ლა ლიგა და 3 ესპანეთის სუპერთასი მოიგო.
ამ სიახლეზე კომენტარები გათიშულია.
კომენტარები [ 7 ]