ჟოან გასპარი: პრეზიდენტი არ უნდა გადადგეს
ჟოან გასპარი "ბარსელონაში" შექმნილ სიტუაციას გამოეხმაურა. ყოფილი პრეზიდენტი, რომელიც კლუბს სათავეში 2000-03 წლებში ედგა, რაც არ უნდა გასაკვირი იყოს, საკმაოდ პოზიტიურადაა განწყობილი.
"ბართომეუმ უნდა აჩვენოს, რომ "ბარსელონა" ყველაზე მეტად უყვარს და ამ მდგომარეობას ისე მიუდგეს, როგორც პრეზიდენტს შეეფერება. ის თანამდებობაზე უნდა დარჩეს, რადგან სიტუაციის გამოსწორების სხვა ვარიანტი არ აქვს.
ეს სევილიის ღამეს ჰგავს, როცა ყველა ამბობდა, რომ ნუნიესი უნდა გადამდგარიყო, მაგრამ შემდეგ მან დიდი წარმატება მოგვიტანა.
ჟერარ პიკეს განცხადებას არ ვეთანხმები. მას წინ წლები აქვს. ჩვენ გვყავს ძლიერი ახალგაზრდები და საოცარი ვეტერანები, რომლებსაც "ბარსელონასთვის" ბევრის გაკეთება შეუძლიათ. ეს გვერდი უნდა გადავფურცლოთ და იმ ღამეზე ფიქრით აღარ ვიცხოვროთ". - თქვა გასპარმა და ვარდისფერი სათვალე გაისწორა.
ამ სიახლეზე კომენტარები გათიშულია.
კომენტარები [ 44 ]