ოფიციალურად: "ბარსელონას" ფეხბურთელს COVID-19 დაუდასტურდა
კატალონიის "ბარსელონა" ოფიციალურად ავრცელებს ინფორმაციას, რომ პრესეზონისათვის ესპანეთში ჩასულ ფეხბურთელთა შორის, ერთ-ერთს კორონავირუსი დაუდგინდა.
"გუშინ ჩატარებული PCR ტესტირების მიხედვით, 9 მოთამაშიდან ერთს, რომელსაც დღეს პრესეზონისათვის ვარჯიში უნდა დაეწყო, COVID-19 დაუდგინდა. ინფიცირებულს გამოხატული სიმპტომები ჰქონდა და ის ახლა სახლში, იზოლირებულ მდგომარეობაში იმყოფება.
კლუბმა მომხდარის შესახებ სპორტულ და ჯადაცვის ადმინისტრაციას აცნობა. ამასთან, ადამიანები ვისაც ფეხბურთელთან კონტაქტი ჰქონდათ, განმეორებით ტესტირებას გაივლიან.
საბედნიეროდ, დაავადებულს პირველი გუნდის წევრებთან, რომლებიც ხვალ ლისაბონში გაემგზავრებიან, კავშირი არ ჰქონია", - ვკითხულობთ განცხადებაში.
დღეს პრესეზონისათვის მზადება შემდეგ მოთამაშეებს უნდა დაეწყოთ: პედრი, ფრანსიშკუ ტრინკაუ, მატეუს ფერნანდესი, ჟან-კლერ ტოდიბო, მუსა ვაგე, კარლეს ალენია, რაფინია, ხუან მირანდა და ორიოლ ბუსკეტსი. როგორც ჩანს, ვირუსი სწორედ ერთ-ერთ მათგანს შეეყარა.
ამ სიახლეზე კომენტარები გათიშულია.
კომენტარები [ 10 ]