კიკე სეტიენის შეცვლის 3 კანდიდატი
"ბარსელონა", მომავალ სეზონში, შესაძლოა, კიკე სეტიენმა აღარ გაწვრთნას. იმ შემთხვევაში, თუ ასე მოხდა, კატალონიურ კლუბს ესპანელი სპეციალისტის შეცვლის 3 კანდიდატი უკვე ჰყავს.
არგენტინელი ჟურნალისტის, ვერონიკა ბრუნატის ინფორმაციით, "ბლაუგრანა" მთავარი მწვრთნელის პოსტზე მაურსიო პოჩეტინოს, მარსელო გალიარდოს ან გარსია პიმიენტას დანიშვნის ვარიანტებს განიხილავს.
პოჩეტინომ ჩემპიონთა ლიგის გასულ სეზონში თავი კარგად წარმოაჩინა. მაურისიომ ლონდონის "ტოტენჰემი" ლიგის ფინალში გაიყვანა, თუმცა მას ევროპის ყველაზე პრესტიჟული ტურნირის მოსაგებად ცოტა დააკლდა.
გალიარდო "რივერ პლეიტში" შესანიშნავად გამოიყურება. არგენტინელმა სპეციალისტმა, ლიბერტრადორესის თასის 2-ჯერ მოგებასთან ერთად, სხვა უამრავი ტიტული დაისაკუთრა.
კატალონიელები, შესაძლოა, შორს არ წავიდნენ და პირველი გუნდის მთავარ მწვრთნელად პიმიენტა დანიშნონ, რომელიც, ამჟამად, "ბარსა ბ-ს" ხელმძღვანელობს.
ამ სიახლეზე კომენტარები გათიშულია.
კომენტარები [ 10 ]