კომანი და ბოატენგი "ბარსელონასთან" ითამაშებენ

მიუნხენის "ბაიერნის" საკვანძო ფეხბურთელები, კინგსლი კომანი და ჟერომ ბოატენგი, ჩემპიონთა ლიგის 1/4-ფინალში "ბარსელონასთან" გასამართ მატჩში მონაწილეობას მიიღებენ.

კომანმა "ჩელსისთან" ჩემპიონთა ლიგის 1/8-ფინალის განმეორებით შეხვედრაში ტრავმის გამო ვერ ითამაშა, თუმცა, Marca-ს ცნობით, ფრანგმა შემტევმა ლისაბონში გამართულ პირველ სავარჯიშო სესიაზე სრული დატვირთვით ივარჯიშა.

რაც შეეხება ბოატენგს, გერმანელმა მცველმა "ჩელსისთან" თამაშში ბარძაყი დაიზიანა. 31 წლის ფეხბურთელმა პორტუგალიაში განცალკევებით ივარჯიშა, თუმცა, იმავე წყაროს ინფორმაციით, იგი "ბარსელონასთან" მატჩისთვის სრულად გამოჯანრთელდება.

ჰანს-დიტერ ფლიკის გუნდს კატალონიურ გუნდთან ბენჟამინ პავარი არ ეყოლება, რომელიც ტრავმის შემდეგ სარეაბილიტაციო კურსს გადის.

"ბარსელონა" და "ბაიერნი" ერთმანეთს პარასკევს, 14 აგვისტოს, თბილისის დროით 23:00 საათზე დაუპირისპირდებიან.