დელ პიერო "ნაპოლისთან" მესის გოლზე: მან იცოდა, რომ რაღაც განსაკუთრებული შექმნა
ტურინის "იუვენტუსის" ლეგენდარული ფეხბურთელი, ალესანდრო დელ პიერო, ლიონელ მესის მიერ "ნაპოლის" კარში გატანილ გოლს აფასებს. მისი თქმით, არგენტინელის წარმატებაში თანაგუნდელებს მნიშვნელოვანი წვლილი შეაქვთ.
"მისი გოლის აღნიშვნიდან ჩანს, რომ ძალიან მონდომებულია. მან იცოდა, რომ რაღაც განსაკუთრებული შექმნა.
საიდუმლო იმალება იმაში თუ რამდენ ხანს ათამაშებენ სხვა ფეხბურთელები ბურთს, სანამ მას მესი მიიღებს.
ჩემი აზრით, ეს ხრიკი მესის წარმატების ერთ-ერთი მთავარი საიდუმლოა. ეს მას საშუალებას აძლევს ფლანგზე დაისვენოს და ბურთის მიღების მომენტში საჭირო ენერგია გააჩნდეს. იგი დასვენებულია, რადგან მოედანზე დიდ დროს სიარულში ატარებს", - იტალიელის სიტყვებს Sport ციტირებს.
გოლით, რომელზეც დელ პიერო საუბრობს, ლეო "ბარსელონას" ჩემპიონთა ლიგის მეოთხედფინალის საგზურის მოპოვებაში დაეხმარა, სადაც კატალონიურ კლუბს მიუნხენის "ბაიერნთან" დაპირისპირება ელის.
ამ სიახლეზე კომენტარები გათიშულია.
კომენტარები [ 8 ]