სეზონის საუკეთესოები ერთმანეთის პირისპირ
France Football-ს რომ "ოქროს ბურთის" დჯილდოება არ გაეუქმებინა, მთავარი კანიდატი სამი იქნებოდა - ლიონელ მესი, რობერტ ლევანდოვსკი და კევინ დე ბრუინი. თუ გავითვალისწინებთ იმას, რომ სამივე ამ ფეხბურთელის გუნდი, ჩემპიონთა ლიგის ერთ ბადეში მოხვდა, გამოდის, რომ ფინალს რომელიმე აუცილებლად ითამაშბს. ("ლიონის" შანსი ალბათ 1%-ია).
ლევანდოვსკიმ და მესიმ მერვედფინალებშიც გამოიჩინეს თავი, განმეორებითი შეხვედრები ორივემ ძალიან მაღალ დონეზე ჩაატარა და თავიანთი გუნდის გამარჯვებაში მთავარი როლი ითამაშეს.
ლევანდოვსკი კარიერის განმავლობაში, გამორჩეულ სეზონს ატარებს, მას უკვე 53 გოლი აქვს გატანილი, აქიდან 34 ბუნდესლიგაში შეაგდო, მაგრამ ეს მაინც არ აღმოჩნდა იმისათვის საკმარისი, რომ "ოქროს ბუცი" მოეპოვებინა, ეს ტიტული ჩირო იმობილეს ხვდა წილად.
სამაგიეროდ, 13 გოლი აქვს ჩემპიონთა ლიგაზე გატანილი, რაც წარმოუდგენლად კარგი შედეგია. რეკორდი კრიშტიანუ რონალდუს ეკუთვნის, რომელმაც ერთ სეზონში 17 გოლის გატანა შეძლო. პოლონელი მისი რეკორდის გაუმჯობესებას ეცდება.
მესის გოლების თვალსაზრისით გამორჩეული სეზონი არ ჰქონია. ამ დროისთვის მას 31 გოლი აქვს გატანილი, რაც მისთვის ცუდ შედეგად ითვლება, სამაგიეროდ 31 გოლს, 27 საგოლე გადაცემა დაამატა, რაც ძალიან მაღალი მაჩვენებელია.
31-დან 25 გოლი ლა ლიგაში გაიტანა და "პიჩიჩი" დაისაკუთრა, მიუხედავად იმისა, რომ საწყისი ტურები ტრავმის გამო გამოტოვა, ბომბარდირობაში მაინც ვერავინ შეეცილა.
"ბაიერნის" გოლების 54% ლევანდოვსკიზე მოდის, "ბარსელონას გოლების 53% მესიზე.
ლევანდოვსკის 13 გატანილი გოლი ჩემპიონთა ლიგაზე, მისი საუკეთესო შედეგია, მაშინ როცა ლიონელ მესის 3 გატანილი გოლი, მისი ყველაზე დაბალი მაჩვენებელია.
ამ სიახლეზე კომენტარები გათიშულია.
კომენტარები [ 7 ]