შემთხვევითი არაა, რომ "ლა მასიაში" რიკი პუჩის მსგავსი ფეხბურთელები იზრდებიან - ჯენარო გატუზო
"ბარსელონას" დღევანდელი მეტოქის, "ნაპოლის" მთავარი მწვრთნელი, ჯენარო გატუზო კატალონიელთა ახალგაზრდა ნახევარმცველზე, რიკი პუჩზე საუბრობს.
"პუჩი ახალგაზრდა არაა, ის ჩემპიონია, რომლისთვისაც დიდებულად თამაში ჩვეულებრივად ჩანს. რიკის თამაშის ყურება, რომელიც ფეხბურთს უკეთესს ხდის, ნამდვილი სპექტაკლია. ეს ყველაფერი "ბარსას" დამსახურებაა - შემთხვევითი არ გახლავთ, რომ "ლა მასიაში" ასეთი ფეხბურთელები იზრდებიან", - ციტირებს სპეციალისტის სიტყვებს Diario Sport.
"ლურჯ-ბროწეულისფერები" იტალიურ კლუბს დღეს, თბილისის დროით 23:00 საათზე, ჩემპიონთა ლიგის მერვედფინალის განმეორებითი მატჩის ეგიდით დაუპირისპირდებიან.
შეხვედრის განაცხადში 20 წლის მოთამაშეც იმყოფება და, შესაძლოა, ძირითად შემადგენლობაშიც მოხვდეს. გასულ სეზონში კატალონიელმა, პირველი გუნდის რიგებში, 12 მატჩში თავი 2 ასისტით გამოიჩინა. გარდა ამისა, პუჩმა "ბარსა ბ-ში" 21 შეხვედრაში 2 გოლი და 3 საგოლე გადაცემა მიითვალა.
ამ სიახლეზე კომენტარები გათიშულია.
კომენტარები [ 5 ]