"იუვენტუსს" პიანიჩის გაცვლა ანსუ ფატიში უნდოდა
ავტორიტეტული L'Equipe-ის მიერ გავრცელებული ინფორმაციის თანახმად, ტურინის "იუვენტუსს", საწყის ეტაპზე, ბოსნიელი ნახევარმცველის, მირალემ პიანიჩის "ბარსელონაში" ტრანსფერში არა არტურის, არამედ 17 წლის ტალანტის, ანსუ ფატის ჩართვა სურდა.
ფრანგი ჟურნალისტების ცნობით, "ბლაუგრანამ" ფატისთან განშორებაზე უარი თქვა, რის გამოც კატალონიელებს ბრაზილიელი შუახაზელის, არტურის დათმობა მოუწიათ.
არტური "ბიანკონერის" ბონუსებიანად 82 მილიონ ევროდ შეუერთდა, სანაცვლოდ კი პიანიჩი კატალონიურ კლუბში ბონუსების ჩათვლით 65 მილიონ გადმოვიდა.
რაც შეეხება ანსუ ფატის, გვინეა ბისაუელი ტალანტი, სავარაუდოდ, "ბარსასთან" ახალ, გრძელვადიან კონტრაქტს გააფორმებს და მისი გამოსასყიდი თანხა 400 მილიონი ევრო გახდება.
აქვე დავძენთ, რომ "იუვენტუსი" ერთადერთი კლუბი არაა, რომელიც ფატის თამაშმა მოხიბლა. გავრცელებული ცნობებით, ახალგაზრდა შემტევში "მანჩესტერ იუნაიტედი" 150 მილიონ ევროს იხდიდა.
ამ სიახლეზე კომენტარები გათიშულია.
კომენტარები [ 6 ]