სეტიენმა გადაწყვეტილება მიიღო - როგორ ითამაშებს "ბარსა" "ნაპოლისთან"
კატალონიური სპორტული გამოცემების, Sport-ისა და Mundo Deportivo-ს გუშინდელი ნომრების გარეკნები "ნაპოლისთან" თამაშისთვის "ბარსელონას" სავარაუდო შემადგენლობებს მიეძღვნა. ორ ვერსიას შორის სხვაობა აშკარა იყო - ერთი უპირატესობას 4-3-1-2 სისტემას ანიჭებდა, მეორე კი - 3-5-2-ს.
სიტუაციას ნათელი RAC1-მა მოჰფინა. კატალონიური რადიოს ინფორმაციით, კიკე სეტიენის თავდაპირველი ჩანაფიქრი 3-5-2 სისტემით თამაში იყო, მაგრამ "კამპ ნოუზე" გუშინ გამართული ვარჯიშის დროს, მოვლენები სასურველი სცენარით არ განვითარდა და სეტიენმა არჩევანი 4-3-1-2-ზე შეაჩერა. ამ ფორმაციაში, თავდამსხმელებად სუარესი და გრიზმანი გვევლინებიან, მათ უკან, 10 ნომერზე, ლეო მესი ითამაშებს, ნახევარდაცვის სამეულს დე იონგი, რაკიტიჩი და სერჟი რობერტო შეადგენენ, ხოლო დაცვაში სემედუ, პიკე, ლანგლე და ალბა ითამაშებენ.
ამ სიახლეზე კომენტარები გათიშულია.
კომენტარები [ 8 ]