"ბარსელონა" სერხიო აკიემეს დათმობას არ აპირებს
"ბარსელონა" კლუბის 22 წლის მარცხენა მცველის, სერხიო აკიემეს პროგრესით კმაყოფილია და არ აპირებს ფეხბურთელს მარტივად შეელიოს. ამ ინფორმაციას Mundo Deportivo ავრცელებს.
წარმოშობით ეკვატორული გვინეელი ფეხბურთელი კატალონიურ კლუბს ერთი წლის წინ შეუერთდა. გასული სეზონი მან "ბარსა ბ-ში" გაატარა და თავი კარგად წარმოაჩინა.
Sport-ის ცნობით, "ბარსელონა" მზადაა სარეზერვო გუნდის ლიდერებს შეელიოს, მაგრამ Mundo Deportivo-ს მტკიცებით, კატალონიელები აკიემეზე უფლებების სრულად დათმობას არ აპირებენ. ეს ნიშნავს, რომ ფეხბურთელი ან იჯარით წავა, ან "ბარსა" მისი გამოსყიდვის უფლებას დაიტოვებს.
ასევე Mundo Deportivo იუწყება, რომ სერხიო აკიემეს სახელმა არტური-პიანიჩის ტრანსფერზე "იუვენტუსთან" მოლაპარაკებების დროსაც გაიჟღერა, მაგრამ "ბარსამ" მისი ტრანსფერში ჩართვაზე უარი განაცხადა.
ამ სიახლეზე კომენტარები გათიშულია.
კომენტარები [ 5 ]