ობამეიანგი უსმან დემბელეს ტრანსფერს ითხოვს
საფრანგეთში გავრცელებულ ცნობებზე დაყრდნობით ბრიტანული Daily Mail ავრცელებს ინფორმაციას, რომლის თანახმადაც პიერ-ემერიკ ობამეიანგი თავისი მომავლის შესახებ გადაწყვეტილების მიღებას იმის გათვალისწინებით აპირებს, მოახერხებს თუ არა ლონდონის "არსენალი" "ბარსელონას" შემტევის, უსმან დემბელეს შეძენას.
ლონდონური კლუბის ლიდერი ასოციაციის თასის ფინალში "არსენალს" გმირად მოევლინა და გუნდს ტიტულთან ერთად ევროტურნირებზე თამაშის უფლება მოუპოვა. გაბონელის კონტრაქტს ვადა მალე ეწურება და ის "მეთოფეთა" რიგებს მხოლოდ იმ შემთხვევაში არ დატოვებს, თუ კლუბი მომდევნო სეზონისთვის დიდ ტრანსფერებს განახორციელებს. მისი მთავარი სურვილი გუნდში სწორედ დემბელეს მიყვანაა.
ობამეიანგი და უსმანი ერთად დორტმუნდის "ბორუსიაში" თამაშობდნენ.
მოსალოდნელია, რომ "ბარსელონა" დემბელეს გაშვებაზე თანახმა იქნება. ბრიტანული გამოცემის ცნობით, კატალონიელები ფრანგი ფეხბურთელისთვის კიდევ ერთი შანსის მიცემას აღარ აპირებენ.
ამ სიახლეზე კომენტარები გათიშულია.
კომენტარები [ 5 ]