2 გზა, თუ როგორ შეიძლება გამოიყენოს სეტიენმა ფილიპე კოუტინიო
კიკე სეტიენი ფილიპე კოუტინიოს სათამაშო სტილით მოხიბლულია და უთქვამს კიდეც, რომ მის დაბრუნებას მიესალმება. ბრაზილიელი "ბარსელონაში" ჩემპიონთა ლიგის დასრულებისთანავე დაბრუნდება, რის შემდეგაც კლუბს ბევრი რამის გათვალისწინება მოუწევს, სანამ მის მომავალს გადაწყვეტს. ახლა კი, Tribuna.com გვთავაზობს 2 ვარიანტს, თუ, "ბლაუგრანაში" დარჩენის შემთხვევაში, როგორ უნდა გამოიყენოს გამოცდილმა სპეციალისტმა 28 წლის ნახევარმცველი, რათა მან ჩვეული ფორმა დაიბრუნოს.
ცენტრალურ ნახევარმცველად დაყენება
— TsiTsi Papunashvili 🇬🇪 (@tsitsi_papun18) August 1, 2020
"ფილი" თავდაპირველად ანდრეს ინიესტას შემცვლელად მოიაზრებოდა, თუმცა, კატალონიელთა იმჟამინდელმა მთავარმა მწვრთნელმა, ერნესტო ვალვერდემ ხსენებულ გეგმას ზურგი აქცია და კოუტინიოს ფლანგზე გამოყენება გადაწყვიტა, ხოლო მისი თანამემამულე, არტურ მელო მარცხენა ცენტრალურ ნახევარმცველად გაამწესა.
მიუხედავად ამისა, ამ უკანასკნელის (არტურის) "იუვენტუსში" გადაბარგების შემდეგ, ნახევარდაცვაში ადგილი გათავისუფლდა, რომელიც, შესაძლოა, ფილიპემ შეავსოს. უსმან დემბელეს ფლანგზე ყოფნისას, ბრაზილიელი სივრცეების საკმაო რაოდენობას წააწყდება, რაც მას საკუთარი შესაძლებლობების გამოვლენისა და შესანიშნავი დარტყმის განხორციელების საშუალებას მისცემს. მოგეხსენებათ, ამ ასპექტში (შორიდან დარტყმები) "ბარსა" არც ისე ძლიერია, მისი გაუმჯობესება კი, თავდაცვაზე ორიენტირებულ გუნდებთან, კატალონიური გრანდისთვის დამატებითი იარაღი იქნება.
შემტევი ნახევარმცველის პოზიციაზე გამწესება
— TsiTsi Papunashvili 🇬🇪 (@tsitsi_papun18) August 1, 2020
კიკე სეტიენმა 4-4-2 სქემა უკვე გამოიყენა და, შეიძლება ითქვას, ამ ტაქტიკამ უფრო გაამართლა, ვიდრე - პირიქით.
ამ ფორმაციაში ორ გამოკვეთილ თავდამსხმელებს ლეო მესი და ანტუან გრიზმანი წარმოადგენენ, მათ უკან კი ფილიპე კოუტინიო იმოქმედებს, რომელიც შეტევას გააძლიერებს.
მაშინ, როცა წინა ხაზში მოასპარეზე ფეხბურთელებს ზურგს სოლიდური ნახევარდაცვა (სერხიო ბუსკეტსის, მირალემ პიანიჩისა და ფრენკი დე იონგის შემადგენლობით) გაუმაგრებს, ისინი თავს უფრო მშვიდად იგრძნობენ, შავ სამუშაოზე არ იფიქრებენ და გოლის გასატანად მეტი ვარიანტი ექნებათ.
ამ სიახლეზე კომენტარები გათიშულია.
კომენტარები [ 7 ]