რივალდო ეჭვობს, რომ კოუტინიო კარიერას "ბარსელონაში" გააგრძელებს
"ბარსელონას" ლეგენდას, რივალდოს ეჭვი ეპარება იმაში, რომ ბრაზილიელი ვარსკვლავი ფილიპე კოუტინიო კარიერას კატალონიურ კლუბში გააგრძელებს.
კოუტინიო "ბარსელონას" საკუთრებაშია, თუმცა იგი, ამჟამად, მიუნხენის "ბაიერნში" იჯარით იმყოფება. ცნობილია, რომ 28 წლის ფეხბურთელს "რეკორდმაისტერი" არ გამოისყიდის და ის, სეზონის დასრულების შემდეგ, "ბლაუგრანაში" დაბრუნდება.
"კოუტინიო "ბაიერნიდან" "ბარსელონაში" მალე დაბრუნდება, მაგრამ მის დარჩენაში ეჭვი მეპარება.
ფილიპეს საუკეთესო ვარიანტი, შესაძლოა, პრემიერ ლიგაში დაბრუნებაა, სადაც მან კარიერაში საუკეთესო სეზონები გაატარა და სადაც "ლივერპულში" ყოფნისას მისი საუკეთესო თვისებები წარმოაჩინა.
"არსენალში", "ტოტენჰემში" ან "ლესტერში", შესაძლოა, კოუტინიო ძირითადი შემადგენლობის ფეხბურთელი იყოს. ეს ფილიპესთვის კარგი შესაძლებლობა იქნებოდა, რათა საუკეთესო ფორმა დაიბრუნოს და აჩვენოს, რომ იგი კვლავ შესანიშნავი ფეხბურთელია, რომელიც ელიტას ეკუთვნის", - ციტირებს რივალდოს სიტყვებს Betfair.
ამ სიახლეზე კომენტარები გათიშულია.
კომენტარები [ 3 ]