რა ხდება მესის, სუარესის, ტერ შტეგენისა და სეტიენის კონტრაქტებთან დაკავშირებით

კატალონიის "ბარსელონას" პრეზიდენტმა, ჟოზეპ მარია ბართომეუმ ბოლო პერიოდის ყველაზე აქტუალურ თემაზე, მოთამაშეებისა და მთავარი მწვრთნელის, კიკე სეტიენის კონტრაქტებზე ისაუბრა:

"ლეო მესის გარშემო აგორებული ჭორები? არგენტინელს ჩემთვის აქამდეც ბევჯერ უთქვამს, რომ კარიერის დასრულება "კამპ ნოუზე" სურს და ეჭვი არ მეპარება, რომ კონტრაქტს გავუხანგრძლივებთ.

მარკ-ანდრე ტერ შტეგენი? მისი კონტრაქტის განახლებაზე მუშაობა ახლა ჩვენთვის პრიორიტეტულია. გერმანელი არამარტო კარგი ფეხბურთელია, არამედ შესანიშნავი პიროვნებაცაა. ის "ბარსას" გასახდელ ოთახში სამაგალითო ადამიანია.

ლუის სუარესს შეთანხმებაში აქვს პუნქტი, რომლის მიხედვითაც, როდესაც ურუგვაელი "ბარსაში" გარკვეული რაოდენობის მატჩებს ჩაატარებს, კონტრაქტი ავტომატურად გაუახლდება.

ჩავი ერნანდესთან შესანიშნავი ურთიერთობა მაქვს, თუმცა ამჟამად ჩვენი გუნდის მწვრთნელი კიკე სეტიენია. კიკეს ვენდობი, რადგან ჩვენს სათამაშო მოდელს იდეალურად ეწყობა. ამასთან, საკმაოდ გამოცდილია და "ლურჯ-ბროწეულისფერებს" ჩემპიონთა ლიგაზე და მომავალშიც ის გაუძღვება", - აცხადებს ბართომეუ.