ვინ მოიაზრება "ახალ "ბარსელონაში"?
კატალონიური Sport-ის დღევანდელი გარეკანი "განახლებულ" "ბარსას" ეძღვნება.
"ბარსელონას" შემადგენლობისთვის თვალის გადავლებითაც კარგად ჩანს და თამაშის ყურების დროსაც, რომ გუნდი გადაბერებულია და გაახალგაზრდავებას საჭიროებს. ასევე ადვილი შესამჩნევია ისიც, რომ კლუბის ხელმძღვანელობას ამ პრობლემის გადაჭრაზე მუშაობა დაგვიანებით, მაგრამ მაინც დაწყებული აქვს.
Sport იმ 11 ფეხბურთელს ასახელებს, რომლების გარშემოც ახალი "ბარსა" აწყობა იგეგმება. ესენია: კლემან ლანგლე, ერიკ გარსია, რონალდ არაუხო, ფრენკი დე იონგი, რიკი პუჩი, კარლეს ალენია, პედრი, ალექს კოლიადო, ანსუ ფატი, ფრანსიშკუ ტრინკაუ, უსმან დემბელე.
პოზიციებზე დაკვირვებისთანავე ცხადი ხდება, რომ ყველა ჩამოთვლილი ფეხბურთელი სასტარტო შემადგენლობის მუდმივი წევრი ვერ იქნება, რადგან მათ შორის კონკურენციაც იარსებებს. მაგალითად, 11 ფეხბურთელიდან 3 ცენტრალური მცველია (სასტარტო შემადგენლობაში 2 ადგილი), 3 გარემარბი (2 ადგილი), ხოლო დანარჩნი 5 - ნახევარმცველი (3 ადგილი). ამ გუნდს აკლია მეკარე (რა თქმა უნდა, ტერ შტეგენი მოიაზრება), ცენტრალური თავდამსხმელი (დიდი ალბათობით, ლაუტარო მარტინესი) და განაპირა მცველები.
ამ სიახლეზე კომენტარები გათიშულია.
კომენტარები [ 11 ]