სკანდალი ესპანურ ფეხბურთში - ბართომეუ ხავიერ ტებასის ნაცვლად?
ესპანურ ფეხბურთში დიდი ცვლილებებია მოსალოდნელი, რამაც, Mundo Deportivo-ს ცნობით, "ბარსელონაზე", შესაძლოა, პირდაპირ იმოქმედოს.
ლა ლიგის პრეზიდენტს, ხავიერ ტებასს, ინტერესთა კონფლიქტს ედავებიან. 2018 წელს, მან საფეხბურთო კლუბ "ფუენლაბრადას", საკონსულტაციო საქმიანობისთვის, 130 ათასი ევრო მოსთხოვა, რის შესახებაც, ლიგას ინფორმაცია არ მიაწოდა. ეს ამბავი ახლა გაირკვა და არაერთი ესპანური გამოცემის ცნობით, ტებასი, შესაძლოა, გადადგეს.
რა სარგებელი შეიძლება ნახოს მადრიდისტა ტებასის გადადგომით "ბარსელონამ"? თუ ფიქრობთ, რომ პრეზიდენტობის დროს, თავისი საფეხბურთო სიმპათიების გამო, ტებასი "ბარსელონას" ჩაგრავდა და ეს მორჩება, ცდებით - ხავიერს ამას ნამდვილად ვერ დავაბრალებთ. სინამდვილეში, საქმე გაცილებით უკეთაა - Mundo Deportivo-ს ცნობით, ტებასის გადადგომის შემთხვევაში, ლა ლიგის პრეზიდენტობისთვის კენჭს ჟოზეპ მარია ბართომეუ იყრის, რომელსაც, ამ პროცედურაში ჩასართავად, "ბარსელონას" პრეზიდენტობის პოსტის დატოვება და ვადამდელი არჩევნების დანიშვნა მოუწევს.
როგორც მოგწონთ ასეთი სცენარი?
ამ სიახლეზე კომენტარები გათიშულია.
კომენტარები [ 10 ]