გვარდიოლა ერიკ გარსიას "ბარსელონასთვის" დათობას არ აპირებს
"მანჩესტერ სიტის" 19 წლის ცენტრალური მცველის, ერიკ გარსიას "ბარსელონაში" შესაძლო დაბრუნების შესახებ უკვე აქტიურად იწერება.
დღეს გავრცელებული ინფორმაციით, ესპანელები და ინგლისელები, ტრანსფერთან დაკავშირებით მოლაპარაკებებს ჩემპიონთა ლიგის დასრულების შემდეგ გამართავენ. განიხილება ნელსონ სემედუს ჟოაუ კანსელუსა და ერიკ გარსიაში გაცვლის ვარიანტი.
"ბარსელონა" კლუბის აღზრდილ ფეხბურთელს დიდ მომავალს უწინასწარმეტყველებს და იმედოვნებს, რომ უახლოეს წლებში, მისგან კატალონიელთა დაცვის ლიდერი დადგება. თუმცა, სხვა გეგმები აქვს პეპ გვარდიოლას.
Sport-ის ცნობით, "ბარსელონას" ლეგენდა და ამჟამად "მანჩესტერ სიტის" მთავარი მწვრთნელი ყველანაირად ცდილობს გარსია დარჩენაზე დაითანხმოს, ეს კი "ქალაქელებთან" ახალი კონტრაქტის გაფორმებას ნიშნავს, რადგან მხარეებს შორის ამჟამად მოქმედ ხელშეკრულებას ვადა ერთი წლის შემდეგ გასდის.
ამ სიახლეზე კომენტარები გათიშულია.
კომენტარები [ 3 ]