MD: რეაბილიტაცია გრძელდება
"ბარსელონას" მომდევნო ვარჯიში 28 ივლისს, 09:30-ზე არის ჩანიშნული, მანამდე კი ფეხბურთელები დაისვენებენ, მათ შორის რამდენიმემ (მესიმ, სუარესმა, პიკემ, ტერ შტეგენმა და ანტუან გრიზმანმა), ხელისუფლების რეკომენდაცია არ გაითვალისწინეს და ქალაქი დატოვა.
"ბარსამ" 39 დღეში, 11 შეხვედრა ჩაატარა, შუა ზაფხულში, ასეთი ტემპით მოგზაურობისა და გადაადგილების შემდეგ, ძალების აღდგენა აუცილებელია.
დაისვენებენ ანსუ ფატი და რიკი პუჩი, ხოლო რონალდ არაუხო "ბარსელონას ბ-ს" შეუერთდება.
მძიმე მდგომარეობაა ფრანგულ ბანაკში - უსმან დემბელე რეაბილიტაციის კურსს ჩვეულ რეჟიმში განაგრძობს. სამუელ უმტიტი ტრავმირებულია და ჩემპიონთა ლიგისთვის აღარც კი განიხილავენ, მისი იმედი სულ უფრო ნაკლებად აქვთ მწვრთნელებს, არადა, როდესაც კიკე სეტიენი მოვიდა კლუბში, აქცენტი სწორედ უმტიტიზე გააკეთა.
ასევე ტრავმირებულია კლემან ლანგლე, რომელიც ჯერ მკურნალობის კურსს ჩაიტარებს, შემდეგ კი აღდგენით პროცესს დაიწყებს.
ანტუან გრიზმანის მდგომარეობა უმჯობესდება, მან სეტიენს ნებართვით დატოვა ქალაქი, ის "ბარსას" ფიზიოთერაპევტის მეთვალყურეობის ქვეშ იქნება და "ნაპოლისთან" შეხვედრისთვის მოემზადება.
ყვითელი ბარათების გამო "ბარსას" "ნაპოლისთან" სერხიო ბუსკეტსი და არტურო ვიდალი ვერ დაეხმარებიან.
ხოლო მარტინ ბრეითუეტისთვის სეზონი დასრულებულია.
ამ სიახლეზე კომენტარები გათიშულია.
კომენტარები [ 12 ]