ოფიციალურად: მესი ლა ლიგის საუკეთესო ბომბარდირი და ახალი რეკორდსმენია
ახლა უკვე ოფიციალურად - ლიონელ მესი ესპანეთის ჩემპიონატის 2019/20 წლების გათამაშების საუკეთესო ბომბარდირია, ეს კი ახალი ისტორიის კიდევ ერთხელ დაწერას ნიშნავს.
მას შემდეგ, რაც ლა ლიგის ბოლო ტურის ყველა შეხვედრა დასრულდა, მესი ტურნირის საუკეთესო ბომბარდირი ("პიჩიჩის" ჯილდო) ოფიციალრუად გახდა. ლეომ ეს წოდება ზედიზედ მეოთხედ მოიგო, რითიც 1985-1988 წლებში უგო სანჩესის მიერ დამყარებული რეკორდი გაიმეორა.
ყველაზე მნიშვნელოვანი კი ისაა, რომ მესი "პიჩიჩის" ჯილდოს მფლობელი სულ მეშვიდედ გახდა, რაც ესპანური ფეხბურთის ახალი რეკორდია. მსოფლიოს საუკეთესო ფეხბურთელმა ლეგენდარულ ტელმო სარას გაასწრო, რომელიც 1945-1953 წლებში, საუკეთესო ბომბარდირი 6-ჯერ გახდა.
ლა ლიგის 2019/20 წლების გათამაშებაში, 33 შეხვედრაში, ლეომ 25 გოლი გაიტანა. მე-2 ადგილზე, 37 თამაშში 21 გოლით, ქარიმ ბენზემა გავიდა.
ეს მესის მიერ დღეს დამყარებული უკვე მე-2 ისტორიული რეკორდია. პირველი რეკორდი.
ამ სიახლეზე კომენტარები გათიშულია.
კომენტარები [ 7 ]