"ინტერმა" ლაუტაროს ფასი შეამცირა
Corriere della Sera-ს ცნობით, "ინტერი" მზადაა, ლაუტარო მარტინესი 90 მილიონ ევროდ დათმოს, თუმცა "ბარსელონასთვის" არც ეს ფასია მისაღები.
არგენტინელის 111 მილიონ ევროდ გამოსყიდვა 8 ივლისამდე იყო შესაძლებელი, რაც კატალონიელების აზრით, "ინტერს" მანიპულირების საშუალებას აძლევდა და ამ ვადის გასვლის შემდეგ მოლაპარაკებები უფრო ადეკვატურ და რეალობასთან შესაბამის ღირებულებაზე დაიწყებოდა.
იტალიური გამოცემა წერს, რომ "ბარსას" ვარაუდი გამართლდა და "ინტერმა" თავისი მოთხოვნა 90 მილიონ ევრომდე შეამცირა, თუმცა ეს საკმარისი არ არის. ვინაიდან ფეხბურთელს "ბლაუგრანასთან" ხელშეკრულების პირობები უკვე შეთანხმებული აქვს და სხვა კლუბის არჩევას არც განიხილავს, "ბარსელონა" "ნერაძურისგან" კიდევ უფრო შეღავათიანი გარიგების მიღებას ეცდება.
ბოლო პერიოდში, ლაუტარო კრიტიკის ობიექტად იქცა. იტალიაში თვლიან, რომ "კამპ ნოუზე" სავარაუდო ტრანსფერმა მის თამაშზე უარყოფითი ზეგავლენა იქონია. იგი სეზონის განახლების შემდეგ ჩატარებულ 7 მატჩში გუნდს მხოლოდ ერთი გოლითა და ერთი საგოლე გადაცემით დაეხმარა. ბოლოს კი, "ვერონასთან" შეხვედრა სათადარიგოთა სკამიდან დაიწყო და მოედანზე მხოლოდ 76-ე წუთზე გამოჩნდა.
ამ სიახლეზე კომენტარები გათიშულია.
კომენტარები [ 8 ]