დიდი ალბათობით, სამუელ უმტიტისთვის სეზონი დასრულებულია

1 კვირის წინ "ბარსელონას" ოფიციალურმა საიტმა სამუელ უმტიტის ტრავმის შესახებ განცხადება გააკეთა.

ფრანგმა მარცხენა მუხლის დაზიანება მიიღო. თავდაპირველად, უცნობი იყო, თუ რამდენი ხანი მოუწევდა მას უქმობა.

მრავალი წყაროს ცნობით, აღნიშნული ტრავმა სერიოზულია და სამუელისთვის მიმდინარე სეზონი უკვე დასრულდა. იგი გუნდს ვერც ლა ლიგის დარჩენილ შეხვედრებში და ვერც ჩემპიონთა ლიგაზე დაეხმარება.

ეს სეზონი უმტიტის თითქმის სრულად გაუცდა და "ბლაუგრანას" დატოვების შესახებ არსებული ჭორებიც მისი ხშირი ტრავმიანობის გამო აზრსმოკლებული არაა.

მიმდინარე სეზონში მსოფლიოს ჩემპიონმა 18 შეხვედრაში მიიღო მონაწილეობა, საიდანაც სრულად მხოლოდ 12 მატჩში ითამაშა.